Surriento


Surriento

Nomme ufficiale:	Sorrento
Stato:	Italia
Reggione:	Campania
Pruvincia:	'e Napule
Estenzione:	9 km²
Pupulazzione:	16.506
Denzità:	1740 ab./km²
'E riune:	Casarlano, Sorrento Capo, Sorrento Marina Grande
Commune vicini:	Massa Lubrense, Sant'Agnello
Coordinate giugrafiche:	40°37′42″N 14°22′26″E
Sinnaco:	{{{sinnaco}}}
Codice pustale:	80060 Capo di Sorrento (Sorrento Capo), 80067 Sorrento (capoluogo, Sorrento Marina Grande)
Prefisso pe ttelefunà:	081
Santo prutettore:	Sant'Antonino
Festa d'o patrono:	14 'e frevaro
Localizzazione
Surriento
Sito:	comune.sorrento.na.it

Surriento è nu comune 'e mmerzo 17.000 crestiane ncopp’’a costa settentrionale d’’a penisula surrientina, 'e ca è 'a capitale.

Giugrafia

Pusizzione

Se truova a 47 km 'a Napule, e sta 'ncopp'ô verzante nord-occidentale d"a penisula surrentina ca ne prenne 'o sojo nomme.

'O centro se distenne armoniozamiente 'ncopp'â nu auto terrazzo tufaceo, ca domina a picco 'o mmare 'a n'autezza 'e 50 metre, in 'mmiezzo 'a na vegetazzione fitta.

Clima

Surriento	Mise												Staggiune				Anno
Surriento	Jen	Fre	Màr	Abb	Maj	Giù	Lug	Aùs	Set	Ott	Nuv	Dic	Vie	Pri	Sta	Aut	Anno
T. max. media (°C)	12	13	15	18	22	26	30	30	27	22	16	13	12,7	18,3	28,7	21,7	20,3
T. media (°C)	8	8	10	12	17	20	24	24	21	16	12	9	8,3	13	22,7	16,3	15,1
T. min. media (°C)	3	3	5	7	11	14	17	17	15	10	7	4	3,3	7,7	16	10,7	9,4
Precipitazzione (mm)	60	50	50	40	35	15	5	20	45	70	65	60	170	125	40	180	515
Umidità relativa (%)	70	65	61	57	53	49	45	51	57	63	69	72	69	57	48,3	63	59,3
Eliofania assoluta (ore al giorno)	4	5	6	7	9	11	11	10	8	6	4	3	4	7,3	10,7	6	7

Etmologia

'O toponimo "Surriento" pare vene d"a denominazzione "Sirenide" foze anticamente data 'a zzona, denominazzione cullegata 'a supposta identificazzione 'e Surriento cu 'o luoco 'e presienza de sirene, leggennarie criature ca 'a tradizzione omereca ce ha tramannato comme mità femmene e mità auciello (e nun comme mità femmene e mità pisce comme spisso se rice),ca seducevano 'e navigante cu 'e loro cante facendule 'e cunseguenza naufragà cuntro 'e scogliere.

Storia

'A cità fuje pussibbelmente funnata d’’e abetante d’’a culonia grieca, Surriento avette 'a supremazziona d"e Etrusche e aropp"o 420 a.C. 'a 'nfluenza d’’e Osci. In epuca rumana è arricurdata pe avè partecipato 'a 'nseruzzione 'e ll'Italice; ve fuje quinne dedutta a Silla na culonia,addò cchiù tarde seguette nu stanziamiento 'e veterane 'e Ottaviano. Fuje aropp’’o municipio d’’a tribù Menenia.

Fuje sede vescuvile d"o 420. Durante 'a crise d"o duminio bizantino in Italia, Surriento 'ngarrò autonomia comme ducato, primma abbascio cummanno d"e duche 'e Napule, e aroppo cu arconte e duche suoje, sempe in lotta cu Amalfi, Salierno e 'e Sarracine.

'A storia 'e Surriento se cunfonne cu chella d"e ate cità campane; facette parte d’’e leghe anti musulmane, cumbatette 'e Longobarde 'e Beneviento; canuscette lotte familiare ntra 'e nobbele lucale. Custritto ô IX seculo 'a Guaimario principe 'e Salierno a accettà comme proprio duca 'o frate, Guido, 'o Ducato 'e Surriento riprennette 'a suoja autonomia aropp"a morte 'e st'urdemo p' ll' arrefonnere aroppo 'int"o 1137, assurbito 'int"o novo regno d"e Nurmanne. Surriento secutaje 'a mmò 'e sorte d"o regno, nun senza ribellione e cunflitte, specie 'a ll'inizzio do periudo aragunese. Ô 1558 fuje presa e derubbata d"e Turche, dint"o 'nvierno d"o 1648 'a cità sustenette valorosamente ll' assedio 'e Giuvanne Grillo, generale d’’o duca 'e Giusa.

Simbule

'Int"a chiazza principale, Chiazza Tasso ce sta na statua raffigurante 'o titulare 'e essa, Torquato Tasso, pueta surrentino celebre 'int"a tutt"o munno.

Feste

'O 14 'e fevvraro è 'a festa' e S. Antonino abate, 'o patrono 'e Surriento.

Monumiente

'O centro storeco mostra 'ncora 'o traggiato ortogunale d’’e strade 'e origgine rommana, mentre verzo monte è circunnato d"e mura do '500. Ve stann’’o Duomo, rifaciuto ô XV seculo, cu na facciata neogoteca, e 'a Chiesa 'e San Franciso 'e Assie, cu nu nutevole chiostrino trecientesco, cu porteco arabeggiante 'e arche ca se 'ntecciano 'ncoppê pilastre ortagunale. 'Int"o museo correale ce songo cullezzione 'e repierte grecie e rumane e 'e purcellane 'e Capodimonte, cu na sezzione 'e pittura d"o XVII-XIX seculo;do parco se gode pure 'e na vista do gurfo. Vicino 'a Punta do Capo, 3 km a ovest, se truovano rieste rumane ritenute da villa 'e Pollio Felice (ca è do I seculo d.C.)N'ata villa marittima è 'a "Villa 'e Agrippa Postumo", abbascio 'a quale ce sta 'o "Hotel Syrene". 'A villa fuje fatta costruì d"o sfurtunato nipote 'e Augusto.

Chiese e cunviente

Palazze e ville

Prucedenno verzo 'a località Capo 'e Surriento nun se ppò ffà a meno 'e nutà 'ncopp'ô Curso Italia 'a villa sciurentino lasciata in ereddità de conuige Fiorentino e Cuomo ô cumune 'e Surriento. 'A costruzzione fuje finnuta ô 1936 e se estenne de antiche mura 'o curso Italia ogge è usata pe esposizzioni mentre 'o suojo giardino è adibito a parco pazzielle. In quacche occasione ce sonno cuncierte.

Ambiente

Ll'ambiente d’’o vecchio borgo, d’’a costa, d’’o panurama cullinare surrentino , 'nt’’e ll'urdeme decienne, è stato arruvinato 'a na serie 'e abuse edilizzie, pe ' sulo 'o sfruttamiento economico d’’o terrieno, e rizanate pe merito 'e ll'urdemo condono edilizzio. 'O vecchio rione 'e piscature "marina granne" e 'a spiaggia soja, mmò abbandunata a pe' essa, era uno d’’e scorce cchiù belle e suggestive 'e Surriento. Mmò rappresenta 'ncora na fantasteca attrattiva 'e Surriento.

Surriento è 'o primmo cumune d’’o ssud italia ppe 'o riciclo d’’a munezza 'a apparecchiature elettreche e elettroneche.

Pupulazzione

Pupulazzione censita

Economia

L'Economia d"a sciuriente cità campana se funna 'e cchiù parte 'ncopp'a alcune sittore 'e punta cumm"o turismo, grazzie 'a naturale vocazzione culturale e balneare d"o centro abetato, 'ncopp'â ll'agricultura comme 'a prudizzione 'e agrume ('nfatte 'o canusciutissimo in tutt"o munno limonciello è proprio 'e Surriento), nucelle e olio, 'ncopp'â trasformazzione 'e prudotte caseare e, urdemo, 'ncopp'â criazzione 'e ddoce, pe ffà n'esempio 'a delizzia 'o limone; e songo canuscutissime 'e arte do 'ntarzio 'ncopp'ê materiale lignei e d"a lavurazzione 'e merlette.

'Nvrastrutture

Ferruvie

Surriento è 'o capolinea d"a linea ferruviaria pe Napule d"a ferruvia Circumvesuviana. 'A cità na sola stazzione, Surriento.

Strade

'O cumune 'e Surriento è attraverzato da Strada Statale 145 Surrentina, ca però in paese cagna 'o nomme in Curso Italia.

Puorte

'O cumune 'e Surriento ha nu piccirillo puorto , 'o Puorto 'e Surriento. 'O suojo nomme è marina Piccirella. 'O puorto è servito a aliscafe pe Ischia, Capri e Napule e na fermata d"o metro do mare.