Arkeologia
Arkeologia (griego: ἀρχαῖος (bieu, antiguo) – λόγος (siensia, estudio) ta e siensia ku ta studia e restunan di kulturanan antiguo ku a meta di rekonstruí i deskribí e pasado. Tal restunan, en espesial e ophetonan di utilidat (artefaktonan) fabriká pa hende, ta wòrdu enkontrá durante ekskavashonnan. E investigashon sientífiko ta konserni tanto e restunan komo e konteksto den kual na ta wòrdu enkontra. E restunan por inkluí monedanan bieu, hermentnan, edifisio i inskripshonnan. Arkeólogonan, esta personanan ku ta studia arkeologia, ta usa e restunan aki pa komprende kon hende tabata biba.
Arkeologia ta un siensia ku ta hopi pegá na antropologia, sosiologia i geografia.
Karibe Hulandes
[editá | editá fuente]E menshon mas bieu di arkeologia den Karibe Hulandes ta un deskripshon di e pinturanan riba piedra di Fontein na Aruba dor di G.B. Bosch na 1836.[1] E investigashon di mas importante den siglo 19 a ser hasí dor di Antonius van Koolwijk. Publikashonnan arkeológiko den siglo 20 ku a haña atenshon tabata, entre otro, di Pieter Wagenaar Hummelinck (dibuhonan den piedra) i J. Tacoma (materia di skeletonan humano pre-kolombiano). Desde 1967 ta hasi investigashon arkeológiko na Instituto Arkeológiko Antropológiko di Antias Hulandes (awor NAAM), unda e arkeólogonan Jay Haviser i Egbert Boerstra tabata aktivo.
Mira tambe
[editá | editá fuente]Fuente, nota i/òf referensia
|