Serviks
| Cervix | |
|---|---|
 Serviks di antaro organ reproduksi padusi lainnyo | |
| Rincian | |
| Pandahulu | Paramesonephric duct |
| Pambuluah nadi | Arteri vagina jo arteri rahim |
| Pangenalan | |
| Latin | Cervix uteri |
| MeSH | D002584 |
| TA | Script error: The function "getTAValue" does not exist. |
| FMA | 17740 |
| Anatomical terminology | |
Serviks atau lihia rahim (dari bahaso Latin: cervix uteri) adolah bagian nan mahubuangan rahim jo vagina pado sistem reproduksi padusi. Bantuaknyo takah silinder dengan panjang kiro-kiro 2-3 cm.[1] Serviks manjago janin dalam rahim indak kalua salamo maso manganduang. Kok lah tibo wakatu parsalinan, inyo maragang sahinggo bayi dapek kalua. Salain itu, serviks baguno jadi paambek bagi bakteri masuak, kacuali salamo maso menstruasi jo maso ovulasi (palapehan sel talua).
Struktur
[suntiang | suntiang sumber]Ujuangnyo nan mambukak ka vagina disabuik bagian lua serviks atau ektoserviks, samantaro bagian nan tapek di ateh vagina disabuik jo supravaginal. Di sapanjang serviks, ado saluran sampik babantuak lonjong nan disabuik kanalis servikalis, nan mahubuangan rungga rahim jo lumen vagina. Pintu saluran nan mangarah ka rahim disabuik ostium uteri internum, samantaro pintu saluran nan mangarah ka vagina disabuk ostium uteri eksternum.[2]
Fungsi
[suntiang | suntiang sumber]Saluran di dalam serviks sampik nan tadiri dari cincin fibrosa nan kuek dengan kandungan kolagen tinggi. Fungsinyo manjago rahim tatap tatutuik jo janin tatap barado di dalamnyo salamo maso manganduang. Serviks dapek maragang pado wakatu parsalinan dek dasakan janin nan mamicu refleks parsarafan jo maningkekan kontraksi rahim sahinggo mambantu proses pargerakan kaluanyo bayi.[3]
Saluran serviks dilapisi dek kalenjar panghasil landia. Landia iko taba dan sariak ditembus dek sperma kacuali sasaat sabalun tajadinyo ovulasi. Pado maso ovulasi, konsistensi lendir baubah sahinggo sperma bisa manembusnyo dan tajadilah pambuahan (fertilisasi). Selain itu, kalenjar panghasil landia di serviks mampu manyimpan sperma nan hiduik salamo 2-3 hari. Sperma iko kudian bajalan ka ateh malalui korpus dan masuk ka tuba falopii untuak mambuahi sel talua. Dek baitu, hubungan seksual nan dilakuan dalam waktu 1-2 hari sabalun ovulasi dapek manyababan kahamilan.
Panyakik kanker
[suntiang | suntiang sumber]Manuruik data pado 2008, kanker serviks maruopan kanker katigo nan paling acok didarito pado padusi di dunia. Parbandingan persentasi panadritonyo baviarasi sacaro geografis, tapi kisarannyo ado 1 sampai 50 padusi dari 100.000 padusi nan mandarito kanker serviks. Di nagara-nagara bakambang, malah kanker iko manjadi kanker nan paliang mamatian, tarutamo dek diagnosis nan talambek sahinggo indak lakeh mandapekan panganan.[4]
Virus human papillomavirus (HPV) diduga kuaik sabagai panyebab utamo kanker serviks.[5][6] Pado stadium awal, gejala nan timbua alun tacalik. Gejalanyo baru tacaliak ikutiko sel kanker serviks alah manginvasi jaringan di sakitarnyo. Caro deteksi dini kanker serviks nan umum yaitu dilakukan jo caro pap smear, yaitu maambiak sel sampel dari dindiang serviks.[7][8] Tapi, di negara maju, metode iko alah digantian liquid based cytology (LBC) atau pemeriksaan sitologi cairan.[9][10] Di nagara-nagara bakambang, dikenal pulo metode nan biaya jo alaiknyo lebih murah, yaitu manggunoan asam asetat atau disabuik visual inspection with acetic acid (VIA).[4]
Rujuakan
[suntiang | suntiang sumber]- ↑ Blaustein's Pathology of the Female Genital Tract (edisi ke-4th). New York, NY: Springer New York. 2 Desember 1994. pp. 185–201. ISBN 978-1-4757-3889-6.
- ↑ Gray, Henry (1995). Williams, Peter L. ed. Gray's Anatomy (edisi ke-38th). Churchill Livingstone. pp. 1870–73. ISBN 0-443-04560-7.
- ↑ S. Wibowo, Daniel (2008). Anatomi Tubuh Manusia. Jakarta: Grasindo. pp. 113. ISBN 9797328880. https://books.google.co.id/books?id=CRkSw4KFhoIC&pg=PA113&dq=%22pembesaran+terutama+terjadi%22+anatomi+tubuh&hl=en&sa=X&ved=0ahUKEwih_dmC_cDmAhVRXHwKHcpBCTwQ6AEIKDAA#v=onepage&q=%22pembesaran%20terutama%20terjadi%22%20anatomi%20tubuh&f=false.
- ↑ a b World Health Organization (February 2014). "Fact sheet No. 297: Cancer". Diakses tanggal 23 July 2014.
- ↑ Wahl, Carter E. (2007). Hardcore pathology. Philadelphia, PA: Lippincott Williams & Wilkins. p. 72. ISBN 9781405104982. https://books.google.com/?id=JZtr6cmJhvgC&pg=PA72&lpg=PA72&dq=transformation+zone+vaginal+pH#v=onepage&q=transformation%20zone%20vaginal%20pH&f=false.
- ↑ Mitchell, Richard Sheppard; Kumar, Vinay; Robbins, Stanley L.; Abbas, Abul K.; Fausto, Nelson (2007). Robbins basic pathology (edisi ke-8th). Saunders/Elsevier. pp. 716–21. ISBN 978-1-4160-2973-1.
- ↑ Fauci, Anthony S., ed (2008). Harrison's Principles of Internal Medicine. Editors of previous edition: T. R. Harrison et al. (edisi ke-17th). New York [etc.]: McGraw-Hill Medical. pp. 608–09. ISBN 978-0-07-147692-8.
- ↑ Nurwijaya, Hartati, 1968-; Suheimi, H. K., 1947- (2010). Cegah dan deteksi kanker serviks. Jakarta: Elex Media Komputindo. ISBN 978-979-27-8085-7. OCLC 716834513. https://books.google.co.id/books?id=4kdbDwAAQBAJ&pg=PA79&dq=kanker+serviks+%22acetic+acid%22&hl=en&sa=X&ved=0ahUKEwjQ_PaMmMHmAhXl7HMBHYGnDNQQ6AEIKDAA#v=onepage&q=kanker%20serviks%20%22acetic%20acid%22&f=false.
- ↑ "Ingin Skrining Kanker Serviks? Kenali Dulu Metodenya". detikHealth (dalam bahasa Indonesia). Diakses tanggal 2019-12-19.
- ↑ Gray, Winifred; Kocjan, Gabrijela, eds (2010). Diagnostic Cytopathology. Churchill Livingstone. p. 613. ISBN 9780702048951. https://books.google.com/?id=eqC-0qjzl_AC&pg=PA614&dq=nice+lbc#v=onepage&q=nice%20lbc&f=false.