Asedio de Napoli (543)
ZE
|
Sta pàgina a l'é scrîta in zenéize |
L'asedio de Napoli do 543 o l'é stæto n'epizodio da guæra gotica (535-553) combatûa fra o regno òstrogoto e l'Inpero roman d'òriente pe o posesso de l'Italia.
Contesto stòrico
[modìfica | modìfica wikitèsto]
Into 535 o Giustinian o l'à diciaròu guæra a-i Gòti pe rionî l'Italia a l'Inpero. O l'à coscî mandòu o séu ciu ilustre generale, o Belisario, inte l'Italia pe sottometila a-o zôvo bizantin. Sotomissa a Sicilia (535), Napoli (536), Roma (537-538) e ben fîto tutta l'Italia a-o Sud do Pò, Belisario o l'é arescîo a espugnâ Ravenna ascî, dove o l'à caturòu o re gòto Vitige e o l'à portòu a Costantinòpoli.
O Giustinian o l'à decizo de reciamâ in òriente o Belisario pe mandâlo contra i Persièn, che, aprofitando do sgoarnimento do limes òrientale, stavan sachegiando a Siria senaa trovâ òppoxisioin, espugnando into 540 scinn-a Antiòchia. In Italia o Belisario no l'è stæto però sostituîo da generâli a-a séu artessa; e de questo n'àn aprofitòu i Gòti che àn eletto come séu néuvo re o Totila e, sotta a-a séu goidda, son arescî a riconquistâ bonn-a parte de l'Italia. Into 542 êan zâ a-e pòrte de Napoli.
Asedio
[modìfica | modìfica wikitèsto]L'inisio de l'asedio e l'invîo do Mascimin
[modìfica | modìfica wikitèsto]O Tòtila o l'à tentòu inte 'n primmo momento de convinse i Napolitæn a sotometise spontaneamente, e, a-o séu refûo, o l'à inisiòu l'asedio.[1] A çitæ a l'êa difeiza da-o dux Conon a-a testa de mille òmmi inperiâli e de 'n regimento de Isauri.[1] Into fratenpo o Tòtila o l'à mandòu parte de l'ezercito a sotomette Cumma, dove son stæte vennero catuæ e mogé de çèerti senatoî, a ògno mòddo risparmiæ pe a clemensa do re gòto; e n'âtro ezercito o l'é stæto inviòu a sotomette o mêzogiorno da penîzoa (provinçe de Lucania et Bruttii e de Apulia et Calabria). I comandanti de l'ezercito inperiâle arestavan seræ inte séu fortesse sensa mesciâ 'n dîo in socorso de Napoli e dê âtre çitæ.[1]
Sentîe de notizie tanto brutte da l'Italia, o Giustinian o l'à pensòu de mandâ in socorso de Napoli un tâ Mascimin, ch'o l'é stæto nominòu a l'istante prefètto do pretôio de l'Italia; con lê o l'à spedîo o Erodian, capitan di Traci, e o Faza, comandante di Armen.[1] Prò, esscindo inesperto inte l'arte militare e timorozo de affrontâ o nemigo, o Mascimin o s'è atardòu inte l'Epiro arestandoghe pe tanto tenpo e perdendo tenpo presiôzo.[1]
O tentativo de socorso do Demetrio
[modìfica | modìfica wikitèsto]Into fratenpo o Giustinian o l'à inviòu in socorso di Napolitæ o Demetrio ascî, magister militum, o quæ, conscio di travali di Napolitæn, o l'à decîzo de mandâghe do frumento.[1] O l'à misso inçemme 'na gran flòtta in Sicilia e con quélla o l'à navegòu in diresion de Napoli; i Gòti, vedendo insce l'ægoa quella gran flòtta, se son trovæ póia pensando ch'a contegnisse numeroxiscime truppe quande in realtæ a ne contegnîva pòche; e, segondo o Procòpio, se quella flòtta a foîse anæta direttamente a Napoli, i Gòti, intimorî, se saievan dæti a-a fuga abandonando l'asedio.[1] Invece a flòtta s'è diràtta primma a Romma, dove o Demetrio o l'à tentòu sensa arêscighe di aròlâ nèuvi òmmi.
Into fratenpo n'âtro Demetrio (da Çefalén), o procuratô de Napoli, o s'è misso a insultâ o Tòtila, e o l'à decîzo de montâ insce 'n paliscârmo pe anâ incontro a-o Demetrio generâle invitandolo a portâ socorso a Napoli.[1] Ma o Tòtila, informòu d-a vêa conscistensa da flòtta bizantinn-a, o l'à fæto costruî di dromoin e con quélli o l'à afrontòu e o l'à misso in fûga a flòtta do Demetrio.[1] A-o Demetrio de Çefalén, catturòu, son stæte tagiæ e moæn e a lengoa, pagando inte questo moddo i insulti rivòlti a-o re gòto.[1]
Demetrio esorta i Napoletani alla resa
[modìfica | modìfica wikitèsto].jpg)
Into fratenpo o Mascimin, lasciòu dòppo tanto aspêtâ l'Epiro, o lé arivòu con tutta a flòtta a Siracuza, dove o l'é arestòu ben ben do tenpo, a-o dî do Procòpio "co-a poìa de 'na goæra ".[2] A-o sentî da séu indecizión, i duces bizantin, seræ inte varie çitæ de l'Italia ancon inte moæn di bizantin, à, inviòu di dei mesci pe implorâ socorsi, e fra questi o gh'êa o dux de Napoli Conon. Napoli a l'êa in gravi dificoltæ con o gran che òuamæ o scarsegiava.[2] Infin, cedendo a-e supliche, a l'inverno inoltròu, Mascimin o s'è decizo a inviâ in socorso da çitæ partenopea i séu òmmi, a-a testa de l'Erodian, do Demetrio e do Faza.[2]
Ma 'na tempesta violentiscima a l'à ostacolòu o séu viâgio e o l'à sponciæ verso a mænn-a di nemixi, dove son stæti atachæ e vinti da-i Gòti.[2] Solo o Demetrio e o Faza con pòchiscimi âtri son arescî a sarvâse a vitta, anche se o primmo fu l'é stæto caturòu catturato da-i Gòti.
Doppo quésto sucesso, o Tòtila o là costréito o Demetrio magister militum a parlâ a-i Napolitén pe convinçili a-a reiza, dæto che dòppo a sconfitta da flòtta inperiâle i assediæ no poeivan ciu sperâ inte 'n socorso da parte inperiâle.[2] Dòppo che o Demetrio o l'à parlòu parlòu, o mæximo Tòtila o l'à rivòlto a-i Napolitén n'âtro descorso into quæ o gh'aseguâva che into caxo de reiza o saieva stæto clemente con lô, dæto che êan stæti i unichi a rexiste òstinatamente a o Belisario quande lé o l'à assediæ into 536; o prescidio bizantin ascî o saieva stæto risparmiòu a patto ch'o abandonesse a çitæ.[2]
I Napolitén e o prescidio àn però preferî aspêtâ âtri trenta giorni speransoxi che l'inperatô o l'avieva inviòi di âtri socorsci; e o Tòtila o gh'à concesso tréi meixi de tempo pe decidde se arendise spontaneamente ò no, drento i quæ o l'à zuòu che no l'avieva molestæ. A carensa di gran a-i à però costréiti a arvî e pòrte a-o re gòto primma da scadensa della tregoa, e coscî con l'intrâ inta çitæ do Tòtila o l'é finîo l'inverno e l'anno òtavo da goæra gòtica (primavéia 543).[2]
Conseguense
[modìfica | modìfica wikitèsto]O Tòtila o l'é stæto clemente coi vinti, mostrando, a-o dî do Procopio, 'na bontæ no ipica pe 'n barbaro.[3] Temendo che i çitadin, stremæ dâ famme e sensa fòrse pe o continoâ de l'asedio, poesan moîe sofocæ pe avei asonto tròppo mangiâ inte 'na volta solo, o l'à dæto da mangiâ a tutti ma da maniman, primma con rasioin modèste e da peu in pò pe votta senpre ci conscistenti, de modo che poesan recuperâ pe graddi e forse sensa pericoli.[3] O re gòto o l'â permisso inoltre a-o prescidio bizantin conduto da-o Conon de lasciâ a çitæ. A partensa pe mâ de truppe do Conon a l'êa però impedîa da-o vento contrâio, e i Bizantin temeivan che o re gòto o poêse camgiâ idea e negâghe a partensa. O Tòtila, informòu dei séu timori, o l'â convocæ e o i â rasicuræ. Visto che o vento contrâio o continuava a impedî a partensa do prescidio bizantin, O Tòtila o gh'â fornîo di cavalli coi quæ àn posciuo poterono tornâ a Romma scortâ da di sordatti gòti.[3] O Tòtila, comm'o l'aveiva zâ fæto con Benevento e con de âtre çitæ, o l'à demolîo 'na gran parte de miâge de Napoli, per costrenze i Bizantin a-a battaggia in campo avèrto e pe impedîghe de deuviâ e miâge da çitæ, ne o caxo che ne foisan tornæ in posesso, pe logorâ con asioin dei guerilia i assedianti gòti.[3]
O Tòtila dòppo o l'aviêva conquistòu a gran parte de l'Italia; into 544 o Belisario o l'é stµto mandòu torna inte l'Italia pe afrontâlo ma, esscindo dotòu dr truppe insuficienti, o no l'à posciûo contrastâlo a mòddo. Non ostante tutto o l'é arescîo a conquistâ torna Romma. Reciamòu a Costantinopoli a-a fin do 548, a-o pòsto do Belisario o l'é stæto nominòu comandante de truppe in Italia o Narsete o quæ o l'é arescîo a vinçe e amasâ o Tòtila e o seu sucesore Teia, metendo fin a-a guæra gòtica. Napoli a l'é ritornâ in mano bizantinn-a, e sotta a-o governo bizantin a l'é arest pe molti secoli. I dux, segge a dî i duchi, son vegnûi da maniman i scignôri de Napoli portando a l'istitusion, into VII secolo, do ducato de Napoli, che dapeu into corso di secoli o l'é vegnûo indipendente da Bisansio.
Scentâ a minaccia gòta, into 568, 'na neuva popolasion barbarica, i Longobardi, son chinæ in Italia e ben fîto son arivæ ascî inte regioin centro-meridionali. Zâ into 572 o ducca longobardo Zottone o l'à ocupòu Benevento e o gh'à fondòu o ducâto de Benevento. O neuvo ducâto longobardo o l'é stæ de spesso 'na seria minaccia pe-o ducca napolitan, anche se i Longobardi non son mai arescî a pigiâ a çitæ partenopea. Così, non ostante i continoi asedi longobardi, Napoli a l'é arestâ bizantinn-a pe diversci secoli scinnn-a a acquixî unn-a totale indipendensa. O ducâto de Napoli o l'à inuâ scinn-a a-o 1137, anno ne-o quæ o l'é stæto conquistòu dai Normanni.
Nòtte
[modìfica | modìfica wikitèsto]- ↑ 1,00 1,01 1,02 1,03 1,04 1,05 1,06 1,07 1,08 1,09 Procopio, III, 6
- ↑ 2,0 2,1 2,2 2,3 2,4 2,5 2,6 Procopio, III, 7
- ↑ 3,0 3,1 3,2 3,3 Procopio, III, 8
Bibliografîa
[modìfica | modìfica wikitèsto]- (IT) Procopio de Cezarêa, Guerre Gottiche - Libro Terzo, in Opere di Procopio da Cesarea, Tömo III, Milàn, coi tipi di Paolo Andrea Molina, 1838.
- (EN) John Bagnell Bury, History of the Later Roman Empire: From the Death of Theodosius I to the Death of Justinian, vol. 2, Mineola, New York, Dover Publications, Inc., 1958, pp. 231-233, ISBN 0-486-20399-9.