Alain Lecat

Alain Lecat alias Fernand Tacel (1931 - eut 2018) il étot éd Feutchére dins ch' Vimeu ( Sonme ). Il fosoait partie d' chés Picardisants du Ponthieu et du Vimeu.

Sin père il avoait foait s' boutique L'moaison Lecat-Porion qu'est ène boutique éd fondeus et pi Alain Lecat i travailloait ichi conme mourleu.

estrait d' Ch'monumint d'Feutchére - join 1996

...

Éch maire et pi chu tchuré iz avoai't chatchun leu monumint, pi chés piots iz alloai't à l'un ou à l'eute, à chés cérémonies du onze novème, pi pu tèrd du huit moa, alors éq chés paures martyres i s'avoai't battus et pi iz étoai't morts pour él meume cœuse ! Heureusemint ch'étouot leus meumes noms gravés dsu l'un pi dsu l'eute...

estrait d' Métieu : mourleu

...

Mourleu au sabe, ch'est un métieu aveuc édz outis propes à chl'ouvrage. L'miu, ché srouot d'avoér un film pour l'ésplitcheu. Mais au jour d'innhui, ch'matériél d'époque il éxisté ti coér ?

In gros, un mourle il est foait d'deux parties mérle et pi femelle, conme deux cades in fér à U, nérvurés. O sz'appelle chés «chassis», qu'o pose dsur inne plaque modèle qu'al eu chés piéches à rproduire, pi chés jets pour amneu ch'métal in fusion.

...