Vendas Novas

Vendas Novas

Localización
38°40′41″N 8°27′20″O
Estado	Portugal
Distritos	Distrito de Évora
Contén a división administrativa	Landeira (pt) Vendas Novas (pt)
Poboación
Poboación	11.846 (2011) (52,65 hab./km²)
Xeografía
Superficie	225 km²
Comparte fronteira con	Montemor-o-Novo Palmela Montijo Alcácer do Sal
Datos históricos
Día festivo	festa patronal (7 de setembro)
Identificador descritivo
Código postal	7080
Fuso horario	Hora de Europa Occidental
Sitio web	cm-vendasnovas.pt

Vendas Novas é unha cidade portuguesa do distrito de Évora, rexión do Alentexo e subrexión do Alentexo Central, con preto de 9.700 habitantes.

É sede dun concello con 222,39 km² de área e 11.846 habitantes no 2011, subdividido en dúas freguesías. O concello limita ao leste co concello de Montemor-o-Novo, ao sur con Alcácer do Sal, ao oeste con Palmela e ao noroeste coa parte oriental do Montijo. O concello foi creado no ano 1962. Anteriormente era só unha freguesía de Montemor-o-Novo.

Historia

A orixe de Vendas Novas remonta á creación de Posta Sul, por orde de João III. Foi entón aberto un camiño de Aldeia Galega (Montijo) a Montemor Vendas Novas para reducir a distancia e o tempo das viaxes. Foi nese camiño onde o rei mandou construír unha pousada, no lugar onde se atopa hoxe Vendas Novas. Algúns anos máis tarde, por orde de Teodósio, construíuse unha nova pousada nas Vendas Novas. O nome do pobo ten, probabelmente, orixe nas construcións (pousadas ou vendas) que, por seren de recente construción, eran novas, denominadas polos viaxantes como "as vendas novas". A poboación máis antiga do concello é, no entanto, a Landeira, hoxe freguesía do concello, no que existen referencias da súa existencia nos inicios do século XII.

Vendas Novas foi freguesía do concello de Montemor-o-Novo ata o 7 de setembro de 1962, data en que pasou a ser concello, após un proceso reivindicativo iniciado no final do século XIX.

Demografía

Poboación do Concello de Vendas Novas (1970 - 2011)
1970	1981	1991	2001	2011
8.587	10.933	10.476	11.619	11.846

Freguesías

Mapa das freguesías de Vendas Novas

O concello divídese en dúas freguesías:

• Landeira
• Vendas Novas

Política

O presidente da Cámara Municipal de Vendas Novas é, desde outubro de 2013, Luís Dias, elixido polo PS. A Xunta de Freguesía de Vendas Novas está presidida por Paula Valentim (PS) e a Xunta de Freguesía de Landeira por Vítor Serrano (PS).

Eleccións de 2009

Órgano	PS	PCP-PEV	PSD
Cámara Municipal	3	3	1
Asemblea Municipal	12	9	2
dos cales: elixidos directamente	10	9	2

Evolución da votación

Evolución da votación para a Cámara Municipal

Ano	CDU APU de 1979 a 1985 FEPU en 1976	PS	PSD	CDS-PP	AD
2013	39,07%	43,28%	11,64%
2009	52,2%	30,23%	14,49%
2005	46,01%	32,5%	17,76%
2001	53,95%	20,56%	21,13%
1997	52,72%	28,59%	13,11%	1,72%
1993	52,34%	25,68%	15,58%	2,96%
1989	55,16%	17,51%	23,89%
1985	54,75%	41,89%
1982	51,61%	16,68%			29,49%
1979	53,84%	14,84%			29,60%
1976	48,12%	37,18%		10,51

Transportes

O concello de Vendas Novas está servido por unha estación de trens que permite cinco enlaces directos a Lisboa e a Évora. A Estación de Vendas Novas está integrada na Liña do Alentexo. Aflúe tamén á estación a Liña de Vendas Novas, na actualidade utilizada para servizo de mercadorías. Canto a transportes por estrada, a cidade está servida pola Rede Expressos, Estradas do Alentejo e TST. Vendas Novas posúe ligazóns diarias a Évora, Setúbal, Lisboa, Montemor-o-Novo e varias freguesías da zona.

• 
  Mapa local de transportes por estrada de Vendas Novas
• 
  Mapa rexional de transportes por estrada de Vendas Novas

O nó da Marateca sitúase nas proximidades da aldea de Landeira, o que confire a Vendas Novas unha posición xeográfica vantaxosa. Ao leste da cidade atópase o acceso á A6, A2 e A13. Grazas a isto, en coche chégase a Lisboa, Évora e Setúbal en preto de 45 minutos.

Gastronomía

O prato máis afamado de Vendas Novas son as bifanas, que atraen millares de visitantes á cidade, principalmente á zona de Boavista. As bifanas de Vendas Novas son comercializadas en varios centros comerciais do país incluíndo Almada Fórum, Colombo ou Barreiro Retail Park.