Tournai

Tournai
	Bandeira Brasón
Localización
	50°36′20″N 3°23′17″L / 50.6056, 3.3881
Estado	Bélxica
Rexión	Valonia
Provincia	Provincia de Hainaut
Distrito	arrondissement of Tournai-Mouscron (en)
Capital de	Reino franco ; Tournaisis (en)
Capital	Tournai (en)
Contén a división administrativa	Blandain (en) ; Béclers (en) ; Chercq (en) ; Esplechin (en) ; Froidmont (en) ; Gaurain-Ramecroix (en) ; Havinnes (en) ; Hertain (en) ; Lamain (en) ; Marquain (en) ; Orcq (en) ; Ramegnies-Chin (en) ; Templeuve (en) ; Thimougies (en) ; Tournai (en) ; Willemeau (en)
Poboación
Poboación	69.554 (2018) (325,4 hab./km²)
Lingua oficial	lingua francesa
Xeografía
Superficie	213,75 km²
Bañado por	Río Escalda
Altitude	24 m
Comparte fronteira con	Estaimpuis (pt) ; Antoing (pt) ; Brunehaut (pt) ; Rumes (pt) ; Péruwelz (pt) ; Frasnes-lez-Anvaing (pt) ; Leuze-en-Hainaut (pt) ; Celles (pt) ; Bachy ; Camphin-en-Pévèle ; Toufflers ; Wannehain ; Sailly-lez-Lannoy ; Baisieux ; Willems ; Pecq (pt)
Santo padrón	Saint Piatus (en)
Organización política
• Mayor of Tournai (en)	Paul-Olivier Delannois (2018–)
Identificador descritivo
Código postal	7500, 7540, 7543, 7532, 7548, 7536, 7520, 7504, 7530, 7522, 7503, 7534, 7531, 7521, 7501, 7533, 7502, 7538, 7542 e 7506
Fuso horario	UTC+01:00
Prefixo telefónico	069
Outro
Irmandado con	Troyes (1951–); Villeneuve-d'Ascq (1994–); Canterbury (1998–); Belén (2012–); Mogi das Cruzes (2016–)
Sitio web	tournai.be

Tournai (en alemán Dornick; en latín Tornacum; en neerlandés Doornik) é unha cidade francófona de Bélxica situada na rexión valoa, cabeceira de distrito na provincia de Hainaut e sede de bispado.^[1]

Tournai é unha das cidades máis antigas de Bélxica, xunto con Arlon e Tongres. Tivo un papel histórico, económico e cultural importante no Condado de Flandres durante a Idade Media e o Renacemento.^[2]

Tanto o campanario de Tournai (Beffroi en francés; Belfort en neerlandés), o máis antigo de Bélxica, como a Catedral de Nosa Señora (Cathédrale de Notre-Dame en francés; Onze-Lieve-Vrouwekathedraal en neerlandés) están incluídos na listaxe do patrimonio da humanidade da UNESCO.^[3] A catedral, impoñente construción de arte románica e de arquitectura gótica, é coñecida polos seus cinco campanarios e polo seu tesouro.^[4]^[5] Xunto coa cidade francesa de Lille e a cidade flamenga de Kortrijk, forma a eurometrópole Lille-Tournai-Kortrijk.^[6]

Etimoloxía

A cidade está documentada baixo os nomes de Turris Nervorium (século I), Turnacum (300) e Turnaco (365), que significa "lugar" (sufixo céltico āko >-ACU) "dos outeiros" (galo turno- «altura» [?], cf. bretón torn-aot «cantil»).

Prodúcese homonimia con outros lugares como Tournai-sur-Dive e os numerosos Tournay, Tourniac, Tornac, etcétera. O mesmo elemento turno- pode identificarse en Turno-magus > Tournon e en Turno-durum > Tonnerre.

Historia

A cidade, establecida hai máis de 2.000 anos, foi cambiando sucesivamente de dominio: galo-romana, franca (cidade real baixo os reinados de Khilderico I e de Clodoveo I e, xa que logo, a primeira capital de Francia).^[7]

Arredor do ano 850 foi integrada no Condado de Flandres, que se converteu en Estado vasalo do rei de Francia. A partir de 1187, despois das loitas dos seus habitantes, a cidade obtivo certa independencia de cara ao resto do condado, e pasou a depender directamente da coroa de Francia.

Permaneceu sendo francesa ata 1521 (exceptuando unha breve ocupación inglesa baixo Henrique VIII en 1513).^[8] En 1521, o asedio da cidade terminou por facela pasar a mans de Carlos V, e Tournai uniuse así aos Países Baixos españois.

Lois XIV reconquistouna para Francia en 1668, pero tivo que cedela a Austria en 1713. A partir desa data, a cidade correu a mesma sorte que o conxunto dos Países Baixos austríacos. En 1755 tivo lugar a batalla de Fontenoy (poboación situada a uns 10 quilómetros de Tournai), con vitoria francesa e irlandesa contra as tropas inglesas e austríacas.

A cidade foi conquistada por Francia baixo a Revolución e o Imperio. Uniuse ao reino dos Países Baixos en 1815. Foi integrada na Bélxica independente en 1830.

Situación e lugares de interese

Conta entre os seus monumentos máis importantes co Belfort ou Beffroi, a torre do campanario desde a que se domina a cidade e os seus arredores, e coa catedral da Nosa Señora, de amplas naves, na que se realizaron traballos arqueolóxicos en 2007 e de restauración en 2014.

Cidades irmandadas

Notas

↑ "Tournai". En Encyclopédie Larousse.
↑ "Tournai, la ciudad de los 5 campanarios". En Belgica-turismo.es.
↑ "Belfries of Belgium and France". UNESCO. World Heritage Scanned Nomination.
↑ "Catedral de Nuestra Señora de Tournai". En EcuRed.cu.
↑ "Notre-Dame Cathedral in Tournai". UNESCO World Heritage List.
↑ "Une eurométropolefranco-belge Arquivado 21 de marzo de 2015 en Wayback Machine.".
↑ Williams, Stephen. Diocletian and the Roman Recovery. Nova York. Routledge, 1997.
↑ Davies, C. S. L. "Tournai and the English crown, 1513-1519". En Historical Journal (1998): 1-26.
↑ "Tournai jumelée avec Bethléem Arquivado 03 de marzo de 2016 en Wayback Machine.". En Dhnet.be.

Véxase tamén

Ligazóns externas

Sitio web oficial da cidade de Tournai.
"Bruselas y Valonia". Oficina de Turismo de Bélgica en España.

[1] "Tournai". En Encyclopédie Larousse.

[2] "Tournai, la ciudad de los 5 campanarios". En Belgica-turismo.es.

[3] "Belfries of Belgium and France". UNESCO. World Heritage Scanned Nomination.

[4] "Catedral de Nuestra Señora de Tournai". En EcuRed.cu.

[5] "Notre-Dame Cathedral in Tournai". UNESCO World Heritage List.

[6] "Une eurométropolefranco-belge Arquivado 21 de marzo de 2015 en Wayback Machine.".

[7] Williams, Stephen. Diocletian and the Roman Recovery. Nova York. Routledge, 1997.

[8] Davies, C. S. L. "Tournai and the English crown, 1513-1519". En Historical Journal (1998): 1-26.

[9] "Tournai jumelée avec Bethléem Arquivado 03 de marzo de 2016 en Wayback Machine.". En Dhnet.be.

[1]

[2]

[3]

[4]

[5]

[6]

[7]

[8]

[9]