Luis Cernuda

Luis Cernuda
	; (2022)
Biografía
Nacemento	21 de setembro de 1902 ; Sevilla, España
Morte	5 de novembro de 1963 (61 anos); Cidade de México
Causa da morte	parada cardiorrespiratoria
Lugar de sepultura	Panteón Jardín (en)
Educación	Universidade de Sevilla
Actividade
Ocupación	escritor, crítico literario, profesor universitario, tradutor, poeta
Empregador	Mount Holyoke College (pt) ; Universidade Nacional Autónoma de México ; Universidade de Toulouse (pt)
Movemento	Xeración do 27
Obra
	Obras destacables (1934) Donde habite el olvido (en) ;

Luis Cernuda Bidón, nado en Sevilla en 1902 e finado en México en 1963, foi un poeta español, membro da xeración do 27.

Traxectoria

Fillo dun militar, licenciouse en dereito pola Universidade de Sevilla. Dedicado á poesía obtivo a cátedra de español da Universidade de Tolosa, posteriormente domiciliouse en Madrid e durante a guerra civil española trasladouse a Inglaterra, e viviu en Francia, Escocia, Estados Unidos ata que en 1952 fixou a súa residencia en México.

Obra

A súa é unha poesía de meditación. En 1927 publicou as súas primeiras poesías, co título de Perfil del aire e Égloga, elegía, oda onde homenaxea a tradición clásica.
Con Un río, un amor e Los placeres prohibidos escritos entre 1929 e 1931 únese ao surrealismo, ao tempo que se rebela contra a orde establecida e reinvindica abertamente a homosexualidade. La realidad y el deseo (1936, edición definitiva 1964) é a súa principal obra, que comezou a escribir a comezos da década de 1930 e que continou ata a súa morte. Cernuda explora o desexo, o amor, a historia e a sexualidade en poemas con influencias que van do romanticismo e o clasicismo ao surrealismo.
En Las nubes (1940 e 1943) trata da guerra civil.
En México desenvolve a súa última etapa poética. Variaciones sobre tema mexicano (1952), Vivir sin estar viviendo (1944-49) e Con las horas contadas (1950-56), son os principais libros, nos que substitúe a musicalidade elegante, garcilasiana por un ritmo seco, duro e renuncia á ornamentación en favor do concepto; este estilo acada a súa plenitude en Desolación de la Quimera (1962).