Julia Roberts
_(cropped).jpg)
Julie Roberts, nada como Julie Fiona Roberts en Smyrna (Xeorxia) o 28 de outubro de 1967, é unha actriz estadounidense gañadora dos premios Oscar e Globo de Ouro.
Traxectoria
[editar | editar a fonte]Os seus pais, antes de que ela nacese, mantiveran un taller de interpretación. Divorciáronse en 1971. O pai, Walter, era vendedor e mantivo sempre con Julia unha relación moi profunda. Morreu de cancro en 1976, cando ela apenas contaba nove anos, o que a afectou profundamente.
Julia ten dous irmáns, o popular Eric Roberts (1956) e Lisa (1965), que tamén son actores. Ten tamén unha medio irmá: Nancy. Julia asistiu á escola primaria de Fitzhugh, continuou os seus estudos en Griffiny finalizounos na High School de Campell, todas elas na propia Smyrna. Sempre quixo ser veterinaria, pero terminou estudando xornalismo, trasladouse con Lisa a Nova York e iniciou a súa carreira de actriz en 1987 cun pequeno papel en Firehouse. Custoulle conseguir outro traballo, ata que o seu irmán Eric, falou con Peter Masterson para que lle dese un papel no drama Blood Red, que non triunfou. A película ía ser dirixida polo propio Eric e o veterano Dennis Hopper.
Debutou na pantalla grande en Mystic Pizza (1988). En 1990, xunto a Richard Gere interpretou a unha prostituta en Pretty Woman, co que obtivo un nomeamento ó Oscar. O seu entrañable personaxe en Pretty Woman seduciu a público e crítica. Daquela converteuse na actriz mellor pagada de Hollywood cun salario de entre 16 e 17 millóns de dólares por película. Sempre foi un reclamo millonario para a billeteira.
Sendo unha das raíñas da comedia romántica, non lograra demostrar a súa valía en papeis máis serios. Esa espiña sacoulla uns anos máis tarde grazas a súa interpretación en Erin Brockovich, que lle valeu por fin o Oscar á mellor actriz. No ano 2001, Julia coprotagonizou xunto a Brad Pitt o filme The Mexican.
Vida persoal
[editar | editar a fonte]Julia tivo moitos mozos, entre eles os actores: Liam Neeson, Dylan McDermott, Kiefer Sutherland, Jason Patric e Daniel Day-Lewis.
Casou o 27 de xuño de 1993 coa estrela da música country Lyle Lovett, en Marion (Indiana). A unión durou ata marzo de 1995 en que se divorciaron, aínda que ambos manteñen desde entón unha boa relación.
Na rodaxe do filme The Mexican namorou do cámara Danny Moder, rompendo a súa relación con Brad. Danny e Julia casaron en xullo de 2002. O domingo 28 de novembro de 2004 Julia Roberts tivo nos Ánxeles ós xemelgos Phinnaeus Walter e Hazel Patricia. O 18 de xuño de 2007 nacía o terceira fillo da parella, Henry Daniel Moder.
Filmografía
[editar | editar a fonte]
- Blood Red (1986)
- Satisfaction (1987)
- Baja Oklahoma (1987)
- Mystic Pizza (1988)
- Steel Magnolias (1989)
- Pretty Woman (1989)
- Flatliners (1990)
- Sleeping with the Enemy (1990)
- Elixir un amor (1991)
- Hook, o capitán Garfo (1991)
- The Player (1992)
- O informe pelicano (1993)
- A century of cinema (1994)
- I Love Trouble (1994)
- Prêt-à-porter (1994)
- Algo de que falar (1995)
- Michael Collins (1996)
- Mary Reilly (1996)
- Todos din I Love You (1996)
- My Best Friend's Wedding (1997)
- Conspiracy Theory (1997)
- Stepmom (1998)
- Notting Hill (1999)
- Runaway Bride (1999)
- Erin Brockovich (2000)
- Ocean's Eleven (2000)
- America's Sweethearts (2001)
- Confessions of a Dangerous Mind (2002)
- O sorriso de Mona Lisa (2003)
- Closer (2004)
- Ocean's Twelve (2004)
- Ant Bully, benvido ao formigueiro (2006)
- Charlotte's Web (2006)
- Charlie Wilson's War (2007)
- Fireflies in the Garden (2008)
- Duplicity (2009)
- Historias do San Valentín (2010)
- Eat Pray Love (2010)
- Larry Crowne (2011)
Premios
[editar | editar a fonte]| Ano | Categoría | Película | Resultado |
|---|---|---|---|
| 2000 | Oscar á mellor actriz | Erin Brockovich | Gañadora |
| 1990 | Oscar á mellor actriz | Pretty Woman | Candidata |
| 1989 | Oscar á mellor actriz secundaria | Steel Magnolias | Candidata |
| Ano | Categoría | Película | Resultado |
|---|---|---|---|
| 2010 | Globo de Ouro á mellor actriz - Comedia ou musical | Duplicity | Candidata |
| 2008 | Globo de Ouro á mellor actriz secundaria | La guerra de Charlie Wilson | Candidata |
| 2001 | Globo de Ouro á mellor actriz - Drama | Erin Brockovich | Gañadora |
| 2000 | Globo de Ouro á mellor actriz - Comedia ou musical | Notting Hill | Candidata |
| 1998 | Globo de Ouro á mellor actriz - Comedia ou musical | My Best Friend's Wedding | Candidata |
| 1991 | Globo de Ouro á mellor actriz - Comedia ou musical | Pretty Woman | Gañadora |
| 1990 | Globo de Ouro á mellor actriz secundaria | Steel Magnolias | Gañadora |
Premios BAFTA
[editar | editar a fonte]| Ano | Categoría | Película | Resultado |
|---|---|---|---|
| 1990 | Mellor actriz | Pretty Woman | Candidata |
| 2000 | Mellor actriz | Erin Brockovich | Gañadora |
Premios do Sindicato de Actores
[editar | editar a fonte]| Ano | Categoría | Película | Resultado |
|---|---|---|---|
| 2000 | Mellor actriz protagonista | Erin Brockovich | Gañadora |
| Ano | Premio | Resultado |
|---|---|---|
| 2010 | Premio Donostia | Gañadora |
Notas
[editar | editar a fonte]| Control de autoridades |
|
|---|
- Actores de Xeorxia, Estados Unidos de América
- Actores de cine dos Estados Unidos de América
- Actores de televisión dos Estados Unidos de América
- Actores de teatro dos Estados Unidos de América
- Actores de voz dos Estados Unidos de América
- Nados no condado de Cobb, Xeorxia
- Nados en 1967
- Modelos femininas dos Estados Unidos de América
- Produtores de cine dos Estados Unidos de América
- Estadounidenses de ascendencia inglesa
- Estadounidenses de ascendencia alemá
- Estadounidenses de ascendencia irlandesa
- Estadounidenses de ascendencia galesa
- Estadounidenses de ascendencia sueca
- Óscar á mellor actriz