Edukira joan

Kate Spade

Wikipedia, Entziklopedia askea
Kate Spade
Bizitza
Jaiotzako izen-deiturakKatherine Perez Garcia
JaiotzaKansas City, 1962ko abenduaren 24a
Herrialdea Ameriketako Estatu Batuak
Lehen hizkuntzaingelesa
HeriotzaManhattan, 2018ko ekainaren 5a (55 urte)
Heriotza moduasuizidioa: urkatzea
Familia
Ezkontidea(k)Andy Spade (en) Itzuli  (1994 -  2018ko ekainaren 5a)
Familia
Hezkuntza
HeziketaArizona Estatuko Unibertsitatea
St. Teresa's Academy (en) Itzuli
University of Kansas (en) Itzuli
Notre Dame de Sion (en) Itzuli bigarren hezkuntzako eskola
Hizkuntzakingelesa
Jarduerak
Jarduerakekintzailea, moda-diseinatzailea eta fashion editor (en) Itzuli
Sinesmenak eta ideologia
Erlijioakatoliko ez-elizkoia
katespade.com
IMDB: nm2343515 Youtube: UCJeyH-TWwuvDz7F0fzNn5Og Edit the value on Wikidata

Katherine Noel Brosnahan, Kate Spade edo Kate Valentine izenez ezaguna (Kansas, AEB, 1962ko abenduaren 24a – New York, 2018ko ekainaren 5a) estatubatuar moda-diseinatzaile eta enpresaburu bat izan zen. Kate Spade New York diseinu-markaren sortzailea eta jabekidea izan zen.[1][2]

Mademoiselle moda aldizkarian osagarrien sailean lan egin ostean, Brosnahanek eta bere senarrak, Andy Spadek, negozioa sortu zuten 1993an, poltsa dotore eta kalitatezkoz osatutako merkatu esploratu gabea identifikatuz. Berak diseinatu eta ekoitzi zituenak azkar egin ziren ezagun, eta konpainia beste produktu lerro batzuetara zabaldu zen. 1999an Kate Spade New Yorken %56ko partaidetza saldu zion Neiman Marcus Groupi, eta 2006an bere gainerako akzioak.[3] 2016an, berak eta bere bazkideek Frances Valentine izeneko moda marka berria merkaturatu zuten.[4] 2018ko ekainaren 5ean hilda aurkitu zuten, antza bere buruaz beste eginda, Manhattango bere apartamentuan.

Bizitza

[aldatu | aldatu iturburu kodea]
Kate-spade-logoa

Brosnahan Kansas Cityn jaio zen, Missourin. Bere gurasoak, June (Mullen) eta Earl Francis Brosnahan, irlandar jatorrikoak ziren.[5] Santa Teresa Akademian graduatu zen, neskentzako Bigarren Hezkuntzako eskola katolikoan. Kansasko Unibertsitatera joan zen, eta gero Arizonako Estatu Unibertsitatera; Kappa Kappa Gammarekin bat egin zuen, eta kazetaritzan graduatu zen 1985ean.[6]

1986an, Spade Mademoiselleko (Manhattan) akzesorioen sailean aritu zen lanean, eta Katy Brosnahan ezkongabe izenarekin agertzen da aldizkariaren buruan. Mademoisellen egon zen bitartean, Andy Spade Scottsdale (Arizona) herrira joan zen bizitzera. Biak gizonezkoentzako arropa-denda batean, Carter's Men Shop-en, Phoenix-en, saltzaile lanetan aritu ziren.[7] Mademoiselle utzi zuen, senior moda editore / osagarrien zuzendari tituluarekin, 1991n.[8] Mademoisellerentzat lan egiten zuen bitartean, merkatuak eskuko poltsa dotoreak falta zituela konturatu zen, eta bere linea propioa sortzea erabaki zuen.[9]

Bizitza pertsonala eta heriotza

[aldatu | aldatu iturburu kodea]

Brosnahan Andy Spaderekin ezkondu zen, David Spade aktore eta komediantearen anaiarekin, 1994an. Bikoteak alaba bat izan zuen, Frances Beatrix Spade, 2005ean jaioa.[10]Rachel Brosnahan aktorea Spaderen iloba da.[11]

2018ko ekainaren 5ean giltzain batek Spade bere buruaz beste eginda, hilda, aurkitu zuen Manhattango bere apartamentuan. Alabari zuzendutako ohar bat utzi zuela esan zuen Poliziak.[12]

Ibilbidea

[aldatu | aldatu iturburu kodea]
Kate Spaderen denda bat New Yorken.

Kate eta Andy Spadek 1993ko urtarrilean New Yorken egoitza zuen Kate Spade Handbags diseinu enpresa abiarazi zuten.[13] Hasieran, enpresak batez ere poltsak saltzen zituen, baina laster zabaldu zen: jantziak, bitxiak, oinetakoak, papertegiko gaiak, haurtxoentzako gaiak, lurrinak, mahai taulak, oheko arropa eta opariak. 1996an, Kate Spade markak bere lehen boutiquea ireki zuen, Manhattango SoHo barruti modernoan kokatutako 400 oin koadroko denda bat, eta West 25th Streeteko gune batera lekualdatu zuen bere egoitza.[14]

2004an, Kate Spade at home jarri zen martxan etxeko bilketa marka gisa. Ohe-arropa, bainugela, portzelana, horma-papera eta etxeko hainbat gauza eskaintzen zituen. [15] Bere estilo pertsonalaren eta pentsamenduaren berri eman zuen bere hiru liburuetan: Maneras, Occasions and Style. 2004an denda bat ireki zen Aoyaman, Tokion, Japonian.[16] Neiman Marcus Taldeak Kate Spade markaren % 56 erosi zuen 1999an eta gainerako % 44 2006an. Neiman Marcusek Kate Spade izendapena saldu zion 2006an Liz Claiborne Inc. , geroago Fifth & Pacific izena jarri ziotena.[17] 2014ko otsailean, Fifth & Pacific izena aldatu zuen Kate Spade & Company izenaz. [18] Coach, Inc. Kate Spade erosi zuen 2017ko maiatzean. [19]

Frances Valentine

[aldatu | aldatu iturburu kodea]

2006an Kate Spade markan zuen parte hartzearen gainerako zatia saldu ostean, alaba zaintzen aritu zen Spade. 2016an, berak eta bere bazkideek Frances Valentine izeneko marka berria kaleratu zuten, luxuzko oinetako eta poltsen bilduma.[20] Marka berriaren izena Frances izenetik eratorria da, bizi guztiko izena aitaren aldetik. Spaderen alabak Frances du izena, aitonak, aitak eta nebak bezala. Valentine izena Spaderen amaren aldetik zetorren, aitonaren bigarren izena zen, San Valentin egunean jaioa. 2016an, Spade abizena aldatu zuen eta Valentine jarri.[21]

Sariak eta aintzatespenak

[aldatu | aldatu iturburu kodea]
  • 1996an, Estatu Batuetako Moda Diseinatzaileen Kontseiluak (CFDA) Spade "Estatu Batuetako Modako Talentu Berria Osagarrietan" izendatu zuen, bere diseinu klasikoengatik. 1998an, CFDAk berriro aitortu zuen "urteko osagarrien diseinatzaile onena" zela.[22]
  • 2004an etxerako bildumak hiru diseinu-sari irabazi zituen , "Giants of Design Award" (joerak sortzeagatik) House Beautiful aldizkariarena, "American Food and Entertaining Award" (urteko diseinatzailea) Bon Appétit aldizkariarena eta "Elle Decor International Design Award" (oheko arropa) aldizkariarena barne.
  • 2017an, Henry W. Bloch Administrazio Eskolako Ekintzailearen Ospearen Aretoan sartu zuten, Misuriko Unibertsitatean, Kansas Cityn.[23]
  • 2017an ere, Fast Company aldizkariak negozioetan pertsona sortzaileenetako bat izendatu zuen.[24]

Erreferentziak

[aldatu | aldatu iturburu kodea]
  1. ↑ Kate & Andy Spade Interview on How I Built This by Guy Raz. NPR.
  2. ↑ Colon, Ana. Designer Kate Spade Name Change Frances Valentine. Refinery29.com.
  3. ↑ Neiman Marcus to Sell Kate Spade. New York City 8 de noviembre de 2006.
  4. ↑ When Is Kate Spade Not Kate Spade? When She's Frances Valentine. 23 de agosto de 2016.
  5. ↑ Irish American fashion designer Kate Spade dead of apparent suicide. 5 de junio de 2018.
  6. ↑ Bumiller, Elisabeth. (12 de marzo de 1999). PUBLIC LIVES; A Cautious Rise to a Top Name in Fashion. .
  7. ↑ Ellyn Spragins, How We Bagged Our Careers", Fortune Small Business, 1 de septiembre de 2003.
  8. ↑ Kate Spade, American Designer Whose Bags Carried Women Into Adulthood, Is Dead at 55. .
  9. ↑ Lieber, Chavie. (2 de marzo de 2016). Kate Spade Brand Bags. Racked.com.
  10. ↑ «Kate Spade's Frances Valentine collection was named after late designer's daughter» Newsweek 5 de junio de 2018.
  11. ↑ Schmidt, Ingrid. (13 de octubre de 2015). Rachel Brosnahan of 'Manhattan' undertakes her own special fashion project. .
  12. ↑ Bromwich, Jonah Engel. (5 de junio de 2018). Kate Spade, Whose Handbags Carried Women Into Adulthood, Is Dead at 55. .
  13. ↑ Kate Spade Biography. Biography.com.
  14. ↑ "kate spade LLC – Company Profile, Information, Business Description, History, Background Information on kate spade LLC" Reference for Business. 15 de mayo de 2015.
  15. ↑ Kate Spade Announces the Launch of kate spade Home; Company Signs Licensing Agreements with Scalamandre Lenox, And Springs. .
  16. ↑ Biography today : profiles of people of interest to young readers. Vol. 16, issue 2. Detroit, Mich. : Omnigraphics 2007 ISBN 978-0-7808-0970-3. (Noiz kontsultatua: 2024-09-29).
  17. ↑ «Kate Spade Seems Totally Detached From Her Multimillion Dollar Namesake Brand» Business Insider.
  18. ↑ Lockwood, Lisa. (3 de febrero de 2014). Kate Spade Gears Up for Growth. WWD.
  19. ↑ Petroff, Alanna. (8 de mayo de 2017). Coach Kate Spade Takeover. CNN.
  20. ↑ Meet Kate & Andy Spade’s New Venture, Frances Valentine. 8 de agosto de 2016.
  21. ↑ Kate Spade, the Person, Has a New Venture: Frances Valentine. 4 de noviembre de 2015.
  22. ↑ (Ingelesez) Gundry, Lisa K.; Kickul, Jill R.. (2006-08-14). Entrepreneurship Strategy: Changing Patterns in New Venture Creation, Growth, and Reinvention. SAGE Publications ISBN 978-1-4833-1685-7. (Noiz kontsultatua: 2024-09-29).
  23. ↑ ISSN https://info.umkc.edu/news/honoring-role-models/..
  24. ↑ «Check out Kate Valentine, one of Fast Company's Most Creative People» Fast Company 22 de enero de 2017.

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Kate_Spade&oldid=9922075"(e)tik eskuratuta