Carmen Beramendi
| Carmen Beramendi | |||||
|---|---|---|---|---|---|
 | |||||
2005eko martxoaren 1a - 2010eko martxoaren 1a - Beatriz Ramírez Abella (en)  →
1990 - 1995 Barrutia: Montevideo departamendua | |||||
| Bizitza | |||||
| Jaiotzako izen-deiturak | María del Carmen Beramendi Usera | ||||
| Jaiotza | Montevideo, 1950eko ekainaren 16a (74 urte) | ||||
| Herrialdea |  Uruguai | ||||
| Hezkuntza | |||||
| Hizkuntzak | gaztelania | ||||
| Jarduerak | |||||
| Jarduerak | politikaria, dozentea eta funtzionarioa | ||||
| Enplegatzailea(k) | Ministry of Social Development (Uruguay) (en) | ||||
| Sinesmenak eta ideologia | |||||
| Alderdi politikoa | Fronte Zabala | ||||
María del Carmen Beramendi Usera (Montevideo, 1950eko ekainaren 16a) [1] irakasle, psikomotrizista, ikerlari eta politikari feminista uruguaitarra da. 1990-1995 aldian diputatu nazionala izan zen eta bi agintaldiz jarraian, 2015etik 2025era, Fronte Zabalerako ordezko senatari hautatu zuten. 2013az geroztik FLACSO Uruguaiko zuzendaria da. [2]
Ibilbidea
[aldatu | aldatu iturburu kodea]Errepublikako Unibertsitatean Psikomotrizitatean lizentziatua, Medikuntza Fakultateko ikasle buru izan zen 1968tik 1972ra, eta Uruguaiko azken diktadura zibiko-militarrak espetxeratu zuen urte hartan. 7 urtez egon zen preso. [3]
1984an Arrantza Langileen Sindikatuko presidente hautatu zuten. Geroago, Alderdi Komunistan sartu zen eta 1989ko hauteskunde orokorretan diputatu nazionala aukeratu zuten [4] Ordezkari nazional gisa, emakumeen eskubideen aldeko ekimen ugari bultzatu zituen, Emakumearen Egoera Aztertzeko Batzorde Bereziko kideetako bat [5] eta Latinoamerikako Parlamentuko Emakumeen Batzordearen sortzaileetako bat izan zen.
Genero indarkerian, garapen eta plangintzan, genero, gizarte eta politikan eta erakundeen kudeaketan graduondoko ikasketak egin ditu. Mujer Ahora Kooperatibako kidea izan zen eta Etxeko eta Sexu Indarkeriaren aurkako Uruguaiko Sarearen koordinatzailea izan zen .
2005etik 2010era, Emakumeen Institutu Nazionaleko zuzendaria izan zen. Etxeko Indarkeriaren Aurkako Borrokarako Aholku Kontseilu Nazionalaren buru izan zen, baita Genero Politika Publikoen Koordinazio Kontseilukoa ere. Etxeko Indarkeriari aurre egiteko Lehen Plan Nazionalaren egilekidea izan zen eta Uruguaiko Aukera eta Eskubide Berdintasunerako Lehen Plan Nazionala diseinatzeko eta gauzatzeko arduraduna izan zen. [6]
2020ko irailaren 10ean, Montevideoko udalak hiritar ospetsu izendatu zuen Lilián Celiberti eta Celia Eccherrekin batera "hiri bidezkoagoa eta berdinzaleagoa eraikitzeko egindako ekarpenari esker. [7] " [8]
Gaur egun, FLACSO Uruguay-ko Genero eta Berdintasun Politiken Goi Mailako Diplomaturako irakasle, ikertzaile eta koordinatzaile akademikoa da. Institutu horretako zuzendaria ere bada. [9]
Erreferentziak
[aldatu | aldatu iturburu kodea]- ↑ Catálogo de autoridades de la Biblioteca Nacional de Uruguay. .
- ↑ «Carmen Beramendi (1950) | campanafeminista.redelivre.org.br» campanafeminista.org.
- ↑ Politics, iKNOW. (25 de agosto de 2010). «Carmen Beramendi» International Knowledge Network of Women in Politics.
- ↑ junio, L. A. | el 27. (27 de junio de 2019). «Carmen Beramendi: “Cosse es la que puede enfrentar los cambios que Uruguay requiere” - Caras y Caretas Política» Caras y Caretas.
- ↑ «Citaciones | Parlamento» parlamento.gub.uy.
- ↑ «Carmen Beramendi» Fondo de Mujeres del Sur.
- ↑ periodista/denisse-legrand. (2020-09-11). «Carmen Beramendi, Lilián Celiberti y Celia Eccher fueron declaradas Ciudadanas Ilustres de Montevideo» la diaria.
- ↑ Cabrera, Anaclara. (2020-09-11). «Carmen Beramendi fue declarada Ciudadana Ilustre de Montevideo» FLACSO.
- ↑ Fontela, Lena. (1 de junio de 2018). «Carmen Beramendi Directora de FLACSO Uruguay» FLACSO.
Kanpo estekak
[aldatu | aldatu iturburu kodea]- Genero eta estatu terrorismoa, 2019ko ekainaren 25ean Hemisferio Izquierdo aldizkarian argitaratutako Carmen Beramendiren artikulua.
| Autoritate kontrola |
|
|---|
Datuak: Q93441013
Multimedia: Carmen Beramendi / Q93441013