Humbertus I

Humbertus I

Res apud Vicidata repertae:

Humbertus I: imago

Humbertus I: subscriptio

Nativitas: 14 Martii 1844; Augusta Taurinorum
Obitus: 29 Iulii 1900; Modicia
Patria: Regnum Italiae

Familia

Genitores: Victorius Emmanuel II; Adelhaidis de Austria
Coniunx: Margarita
Proles: Victorius Emmanuel III
Familia: Sabaudia

Memoria

Sepultura: Pantheon, Tomb of King Umberto I and Queen Margherita of Italy

Insignia heraldica

Humbertus I: insigne

Humbertus I Sabaudiae (natus Taurini die 14 Martii 1844; necatus Modiciae die 29 Iulii 1900) fiut rex Italiae ab anno 1878 usque ad annum 1900.

Vita

Infantia adulescentiaque

Humbertus Ranierus Carolus Emanuel Ioannes Maria Ferdinandus Eugenius Sabaudiae Taurini die 14 Martii 1844 natus est, filius Victorii Emanuelis II regis. Parentes saepe hac parte vitae filii aberant, et ille in regia Caroli Alberti regis, in qua ferrea praescripta de vita agenda vigebant, adulevit. In pugna apud Custozam bellavit, et die 22 Aprilis 1868 Margaritam consobrinam suam in matrimonium duxit.

Regnum

Anno 1878, cum pater suus diem supremum obivisset, rex Italiae creatus est. Humberto rege Italia societatem triplicem cum Imperio Austro-Hungarico Germaniaque formavit, et in eisdem annis multae calamitates naturales (exempli gratia adventus cholerae Neapoli vel terrae motus in urbe Messana) contentionesque civiles italiam vexaverunt.

Facinus contra Humbertum I. Opus Ludovici Sorio.

Dies Domini 29 Iulii 1900 sub vesperum Modiciae Humbertus I interfectus est ab anarchico. Sicarius eius, Caietanus Bresci anarchicus, ergastolum condemnatus est, et in vinculis die 22 Maii 1901 mortem sibi conscivit.

Nexus externi

Humbertus I in Encyclopaedia Treccani.