Canberra
| Canberra | ||
| ||
| Kelk imaji pri Canberra. | ||
|
| |
| Standardo | Blazono | |
| Lando: |  Australia
| |
Informo:
| ||
| Latitudo: | 35°16'58" S | |
| Longitudo: | 149°07'53" E | |
| Altitudo: | 577 m | |
| Surfaco: | 814,2 km² | |
| Habitanti: | 403 468 (2016) | |
| Denseso di habitantaro: | 428,6 hab./km² | |
| Horala zono: | UTC+10 (UTC+11 dum la somero) | |
Mapo:
| ||
| ||
Oficala retosituo:
| ||
| http://www.act.gov.au | ||
Canberra esas chef-urbo di Australia. Segun statistiki de 2016, ol havis 403 468 habitanti. Lua tota surfaco esas 814,2 km².
Ol projetesis en 1913 por esar la chef-urbo di Australia, remplasante l'olima chef-urbo Melbourne. La nomo devenas de Aboriginala vorto canberry, quo signifikas "renkontreyo".
Ye la 12ma di marto 1913, la nomo di la projetata precipua urbo - Canberra - esis oficale donata, da Siniorino Denham, spozino di la Guvernanto-Generala di Australia, ye evento por pozar la bazo-stoni di la nova urbo. La loko di la urbo esis selektita por esar mez-voye inter la du notinda urbi: Sydney e Melbourne. La konstruktado di la urbo sequis, e de 1927 la Parlamento di Australia kunvenas en Canberra.
Canberra havas importanta muzei, la nacional universitato di Australia (Australian National University), la nacionala biblioteko ed altra importanta kulturala institucuri. Du milital akademii, Royal Military College Duntroon e L'Australian Defence Force Academy anke jacas en ol.
Geografio
[redaktar | redaktar fonto]
La reliefo di Canberra esas plana en lua centrala regiono. Lua mezavalora altitudo esas 578 metri, e lua maxim alta punto esas Monto Majura, kun 888 metri super la marala nivelo.
La klimato di Canberra esas oceanala klimato subtropikala (Cfb segun la klimatala klasifikuro da Köppen). La mezavalora temperaturo en julio (vintro) esas 12,1°C°C, kontre ke la mezavalora temperaturo en januaro (somero) esas 29°C. La minima temperaturo enrejistrita en la urbo esis −10.0 °C, dum la matino di la 11ma di julio 1971, kontre ke la maxima temperaturo enrejistrita esis 44 °C, ye la 4ma di januaro 2020.
La mezavalora yarala pluvo-quanto dil urbo esas 579,5 mm, e la maxim pluvoza monato esas novembro, kun mezavalore 68,4 mm. Canberra havas mezavalore 100,4 dii dil yaro sen irga pluvo.