Amarillo, Texas
| Amarillo | ||
| ||
| Amarillo dum krepuskulo. | ||
|
| |
| Standardo | Blazono | |
| Lando: |  Usa
| |
| Stato: | Texas | |
Informo:
| ||
| Latitudo: | 35°11'57?N | |
| Longitudo: | 101°50'43?W | |
| Altitudo: | 1118 m | |
| Surfaco: | 268,99 km² | |
| Habitanti: | 200 393 (2020) | |
| Denseso di habitantaro: | 752,44 hab./km² | |
| Horala zono: | UTC-6 (UTC -5 dum la somero) | |
| Urbestro: | Ginger Nelson | |
Mapo:
| ||
| ||
Oficala retosituo:
| ||
| http://www.amarillo.gov/ | ||
Amarillo esas urbo en la stato Texas, Usa, ed esas sideyo dil komtio Potter. Segun la demografiala kontado di 2020, ol havis 200 393 habitanti, kontre 249 881 habitanti en 2010. Lua tota surfaco esas 268,99 km².
Olim nomizita Oneida, ol surnomizesis "Flava Rozo di Texas" (lua nomo, Amarillo, signifikas "flava" en la hispana). Ol esas importanta regiono industriala di tale nomizita "kasrolo-mancho di Texas" (Angle: Texas Panhandle), an la nordo dil stato. Inter altra industrii, ol havas un ek la maxim granda fabrikerii por pakigo di karno en Usa, ube 25% de la karno Usana enpakigesas. Anke la fabrikerio di hibrida aeroplano Bell Boeing V-22 Osprey, e la fabrikerio di nuklear armi Pantex, jacas ibe.
Amarillo esas sideyo di la Fakultato Amarillo, qua havas plu kam 10 mil studenti.
Geografio
[redaktar | redaktar fonto]
La reliefo di Amarillo esas ordinare plana, cirkondata da densa savano. Lua mezavalora altitudo esas 1118 metri.
La klimato dil urbo esas miarida (BSk segun la klimatala klasifikuro da Köppen). La mezavalora temperaturo en januaro (vintro) esas 3°C, kontre ke la mezavalora temperaturo en julio (somero) esas 26°C.[1] La temperaturi varias multe dum vintrala dii, e mem l'amplitudo termala (difero inter la minima e la maxima temperaturi) diala povas esar 15°C. Ordinare dum vintro, minima temperaturi povas falar infre -12°C dum 5 o 6 dii di la vintro. Tamem, pro l'arideso di la regiono, nivo esas rara.
La pluvoza sezono iras de aprilo til oktobro. La mezavalora yarala pluvo-quanto esas 499 mm, e la maxim pluvoza monati esas junio til agosto, kun mezavalore 72 til 73 mm. Dum printempo povas eventar violentoza tornadi.
Referi
[redaktar | redaktar fonto]- ↑ Climate & Weather Averages in Amarillo, Texas, USA - URL vidita ye 7ma di januaro 2022. Idiomo: Angla.