Cottbus

Ĝemelurboj
	Montreuil • Groseto • Lipeck • Zielona Góra • Targoviŝte • Košice • Sarbruko • Gelsenkirchen • Nuneaton and Bedworth • Nuneaton vd

	Cottbus
Cottbus (Germanio)
ĉefregioncentro • universitata urbo • urbego • urbo • urba komunumo de Germanio • eksterdistrikta urbo en Brandenburgio
Ĝemelurboj
	Montreuil • Groseto • Lipeck • Zielona Góra • Targoviŝte • Košice • Sarbruko • Gelsenkirchen • Nuneaton and Bedworth • Nuneaton vd
Administrado
Federacia lando	Brandenburgio
Distrikto	eksterdistrikta urbo
Urborajtoj	Urbo (Stadt)
Telefona antaŭkodo	0355
Poŝtkodo	03042–03055
Aŭtomobila kodo	CB
Oficiala Municipokodo	12052000
NUTS	DE402
Politiko
Komunumestro	Holger Kelch
Partio de komunumestro	CDU
Adreso de la administrejo	Neumarkt 5; 03046 Cottbus
Demografio
Loĝantaro	99515 (stato 2022-12-31) [fonto: landa statistika oficejo]
Geografio
Geografia situo	51° 46′ N, 14° 20′ O (mapo)51.76080555555614.331861111111Koordinatoj: 51° 46′ N, 14° 20′ O (mapo)
Alto super la marnivelo	75 m
Areo	165 km²
Oficiala retejo	https://www.cottbus.de/
	v • d • r

Cottbus [KOTbus] (jen germane, malsuprasorabe Chóśebuz [ĤEŝebus]) estas la dua plej granda, eksterdistrikta, universitata urbo de la germana federacia lando Brandenburgio kaj la plej granda urbo en Malsupra Luzacio. La urbo apud la rivero Spree estis unuafoje dokumente menciita en la jaro 1156. Cottbus havas Teknikan universitaton kun proksimume 5000 studentoj.

En la urbo loĝas germanoj kaj soraboj kaj ĉiuj ŝildoj kaj montriloj estas kaj en la germana kaj en la soraba lingvoj. Por la soraboj Cottbus estas la kultura kaj politika centro, kvankam nur soraba malplimulto loĝas ĉi tie.

La Brandenburgia Teknologia Universitato, aŭ mallonge BTU, troviĝas en la plej malgranda urbego de Germanio.

Geografio

Cottbus situas ĉirkaŭ 150 km sudoriente de Berlino, apud la rivero Spree. Soraboj eksedlis en la ĉirkaŭaĵo de la nuntempa urbo en la 10-jarcento, kiam ili konstruis burgon sur la sabloinsulo en la rivero. Germanoj loĝas apud la soraboj ekde la 13-a jarcento.

La urbo situas apud la aŭtovojo 15 (Berlino - Vroclavo) kaj estas ligata per kelkaj fervojaj linioj interalie kun Berlino, Leipzig, Görlitz, Forst, Frankfurto ĉe Odro. La urbo havas areon de 164,2 km², el kiuj 35,2 km² estas arbaroj kaj 3 km² estas akva areo. La plej proksimaj urbegoj estas Dresdeno, ĉirkaŭ 90 km sudokcidente, Zielona Góra en Pollando, ĉirkaŭ 90 km nordoriente, kaj Berlino nordokcidente de Cottbus.