Trolleybuss

Ein trolleybuss i Bergen i 2006.

Trolleybussar i Bergen i 1989.

Trolleybuss eigd av A/S Drammens Elektriske Bane gjekk i rutetrafikk i Drammen, og hadde der nemninga trikk. Bussen hadde kompakte gummihjul, og blei på folkemunne kalla «skinn- og benfri». Fotografi frå ikring 1910.

Ein trolleybuss er ein elektrisk drive buss som hentar energi frå kontaktleidningar over vegen gjennom ein pantograf. Trolleybussane må ha to kontaktleidningar i lufta av di dei er elektrisk isolert frå jorda på grunn av gummihjula, i motsetnad til trikk og jarnbanetog, som nyttar skjenene dei køyrer på som den eine av dei to kontaktleidningane som dei òg treng.

Moderne trolleybussar kan ha dieselmotor i tillegg, slik at dei òg kan kjøyrast som vanlege bussar utanom leidningsnettet.

I Noreg er det i dag (2011) berre Bergen som har trolleybussar i rutetrafikk.

Den første norske byen som fekk trolleybuss var Drammen, i 1909, der trolleybussen var kalla trikk. Oslo fekk i 1940, mens Stavanger og Bergen fekk etter andre verdskrig. Trolleybussen i Stavanger blei lagt ned i 1963, i Drammen 1967 og i Oslo 1968.

Galleri

• 
  «Elektromote» i Berlin i Tyskland var den fyrste trolleybussen i verda, 1882
• 
  Ein trolleybuss i Arnhem
• 
  Tredje generasjons trolleybuss i Vancouver, handikap-tilpassa og med sykkelstativ
• 
  Trolleybuss i Landskrona
• 
  Trolleybuss i Gdynia
• 
  Trolleybuss i Oslo ikring 1948, tilhøyrande Oslo Sporveier

  Foto: Ukjend/Oslo byarkiv
• 
  Drammen kommunale trikk

Sjå òg

• Sporvogn