Amsterdam

	Amsterdam
	Localidat d'os Países Baixos
	; O Keizersgracht d'Amsterdam en a nueit.
Estau; • Provincia	Países Baixos; Holanda d'o Norte u Holanda Septentrional
Superficie	219 km²
Población; • Total; • Densidat	; 825080 hab. (2015); 3.698 hab/km²
Altaria; • Meyana	; 2 m.
Codigo postal	1011 – 1109
Chentilicio	amsterdamés/a
Ríos	Río Amstel
Coordenadas	52°22’ 0’’N 4°52’59’’E
	Amsterdam Amsterdam en Países Baixos
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre una ciudat neerlandesa, capital d'os Países Baixos; ta atros usos, se veiga Amsterdam (desambigación).

Amsterdam ye una ciudat neerlandesa, que ye a capital d'o país, encara que a seu d'o Gubierno neerlandés y d'o Poder chudicial se troba en a ciudat de Den Haag. Sí que ye a seu d'o Poder lechislativo, o Parlamento d'os Países Baixos. Amsterdam ye tamién a ciudat con mayor numero d'habitants d'a provincia d'Holanda d'o Norte u Holanda Septentrional y d'os Países Baixos.

A suya población ye de 921 468 habitants, en una superficie de 219 km². Sindembargo, a suya aria metropolitana tien 2.480.394 habitants (2021), y en fa parte d'una conurbación de 8.116.000 habitants (2021).

Cheografía

A ciudat d'Amsterdam fa parte d'a provincia d'Holanda d'o Norte u Holanda Septentrional, y ye situata a man d'a provincia d'Utrecht y d'a provincia de Flevoland, a cantos d'o río Amstel, en a suya desembocadura en o río Ij, formando asinas un gran numero de canals (d'alto u baixo 160) que trescruzan a ciudat, que ye a 2 metros d'altaria sobre o livel d'a mar.

Os territorios arredol d'a ciudat son planos y formatos por terrenos robatos a o mar con os polders, y trescruzatos por a Canal d'a Mar d'o Norte, que une a ciudat con a mar d'o Norte.

Economía

Amsterdam ye a capital d'os Países Baixos respective a negocios y finanzas. Se troba entre as primeras posicions d'a lista d'as ciudaz europeas con mayor potencial pa interpresas de negocios internacionals. Diversas corporacions bancarias y multinacionals tienen siede en Amsterdam, incluyindo a AkzoNobel, Heineken International, ING Group, TomTom, Delta Lloyd Group, Booking.com, ABN Amro, Ahold, KLM Royal Dutch Airlines y Philips.

L'indiz AEX d'a bolsa d'Amsterdam, a mas antiga d'o mundo, fa parte de l'0Euronext, un holding a lo cual perteneixen tamién las bolsas de París, Bruselas y Lisboa.

O turismo tamén ye una parti important d'a economía d'Amsterdam os suyos museos, festivals, barrios famosos, como o barrio royo, a suya tolerancia con as drogas y os suyos famosos coffee shops y l'ambiente gay d'o Reguliersdwarsstraat la fan un lugar turistico ta muitas personas de diferents gustos, ideolochias y sexualidaz.

Cultura

Cine

En a ciudat d'Amsterdam se i celebra dende l'anyo 1991 lo Festival de Cine Fantastico d'Amsterdam, que concede cada anyo los suyos respectivos premios.

Esporte

L'esporte mes popular a Amsterdam ye o fútbol, y o mes practicato ye o ciclismo, gran parti d'a suya población utiliza a bicicleta como meyo de transporte habitual.

Ista ciudat ye a seu de l'equipo de fútbol AFC Ajax, un d'os mes conoixitos d'o país, que partecipa en l'Eredivisie, a primera división de fútbol d'os Países Baixos y tamién a sobén en a Liga de Campions Europea.

Competicions esportivas

Amsterdam ha organizau os Chuegos Olimpicos en a suya edición de 1928 y o Campionato d'Europa d'Atletismo de 2016. O barrio d'Amstelveen, fue a seu de l'EuroHockey Masculín 2021, entre d'atras competicions internacional importants.

En fútbol ha estau una d'as siedes d'a Eurocopa 2000, se chugaron partius dica semifinales en o Johan Cruyff Arena, conoixiu como Amsterdam Arena por ixas envueltas, tamién estió siede d'a Eurocopa 2020 que se chugaron partius d'o Grupo C y un d'octavos de final en o Johan Cruyff Arena, o mesmo estadio tamién estió seu d'a final d'a Champions League 1997-98.

A maratón d'Amsterdam se celebra ininterrompidament dende l'anyo 1975 y ye una d'as millor nivel de marcas d'Europa per estar una d'as mas planas que s'organizan y concentrar una gran numero de corredors d'alto nivel.

O Johan Cruyff Arena.

Intalacions esportivas

L'antigo Estadio Olimpico ha estau restaurau y actualment ye utilizau ta fer escayecimientos culturals y esportivos, cal destacar que ye o prencipio y final d'a Maratón d'Amsterdam.

O Johan Cruyff Arena, ye un estadio de fútbol a on chuga os partidos como local l'Ajax, y tamién a sobent a selección nacional masculina de fútbol d'os Países Baixos, también estió a seu de l'equipo de fútbol americano Amsterdam Admirals huei desapareixiu.

O Estadio Wagener ta hockey sobre hierba ye un lugar a on se fan competicions nacionals y internacionals importants prencipalment d'iste esporte.

O Centro d'Exposicions RAI Amsterdam ye seu de competicions internacionals de chimnasia.