Kobalt

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Kobalt is e sjemisch element mit 't symbool Co en 't atoeamnómmer 27. 't Is e zilverkluuerig euvergangsmetaal.

Toepassinge

Juus wie inne aadheid wuuertj kobaltoxied, baeter bekèndj óngeren triviale naam kobaltblaw, gebroek es pigment veur glaas en porselien. Anger toepassinge van kobalt zeen:

In alderlei legeringe;
Es component in sterke permanente magnete;
Katalysator inne sjemische en aolje-industrie;
Elektrode in batterieje.

Wiejer wuuertj d'n isotoop 60Co toegepas bie radiotherapie enne bestraoling van aeteswaar, medische artikele, verpakkingsmatterjaal veur aetesmiddelenindustrie, cosmetica, stekpotte veur tuinders en nag mieë perdukte.

Es sjoemstabilisator veur 't sjoem van beer waere kobaltzate (kobaltchloried of kobaltsulfaat) gebroek. De stabiliserendje wirking van kobalt oppe sjoemkraag van beer woort in 1957 óntdèk in Koupenhage en dore Dene gepatenteerdj. Sómmige beerfabrikante veugdje de kobaltverbinjing toe aan 't beer veur steviger sjoem te verkriege, mer hiemit woort oetgesjèdj wiedet bleek det kobalt slechter is veure laever es alcohol.