Christoffel Josephus Brand

Christoffel Josephus Brand
1ste Speaker van die Kaapse parlement
Ampstermyn 1854 – 1873
Opgevolg deur	David Tennant
Persoonlike besonderhede
Gebore	21 June 1797 Kaapstad, Kaapkolonie
Sterf	19 Mei 1875 (op 77) Kaapstad, Kaapkolonie
Eggenoot/-note	Catharina Fredrica Küchler
Kind(ers)	Johannes Henricus Brand
Alma mater	Universiteit van Leiden
Professie	Advokaat, Joernalis
Religie	Nederduits Gereformeerd

Sir Christoffel Josephus Brand, (21 Junie 1797, Kaapstad – 19 Mei 1875, Kaapstad), was die eerste Speaker van die Kaapse parlement. Hy het regte studeer aan die Universiteit van Leiden, Nederland, waar hy in 1820 sy doktorsgraad verwerf met 'n tesis wat handel oor die betrekkinge tussen kolonies en die vaderland. Hy keer in 1821 terug na die Kaap, praktiseer as advokaat en gee lesings aan die Suid-Afrikaanse Kollege, voorloper van die Universiteit van Kaapstad sowel as SACS. Nadat hy na vore getree het tydens die Anti-Bandiete-beweging in 1849, help hy met die opstel van die grondwet van die Kaapkolonie en word in 1854 Speaker van die nuwe parlement, 'n amp wat hy beklee tot sy bedanking in 1874. Sy seun, sir J.H. Brand het president van die Oranje-Vrystaat geword.

Sir Christoffel Brand, 1860's–1870's

Die dorp Ladybrand is vernoem na sy vrou, Lady Catharina Brand.

Bronne

• Ensiklopedie van Suidelike Afrika, Eric Rosenthal, 1967