Міхаіл Яўгенавіч Цікоцкі

Міхаіл Яўгенавіч Цікоцкі
Міхаіл Яўгенавіч Цікоцкі
Дата нараджэння	20 лютага 1922
Месца нараджэння	Бабруйск, Бабруйскі павет, БССР;
Дата смерці	24 сакавіка 2012 (90 гадоў)
Месца смерці	Мінск, Беларусь;
Месца пахавання	Усходнія могілкі;
Грамадзянства	Беларусь; СССР;
Бацька	Яўген Карлавіч Цікоцкі
Род дзейнасці	мовазнавец, журналіст
Навуковая сфера	мовазнаўства
Месца працы	БДУ;
Альма-матар	факультэт журналістыкі БДУ;
Вядомы як	адзін з заснавальнікаў школы беларускай стылістыкі
Узнагароды

Міхаіл Яўгенавіч Цікоцкі (20 лютага 1922, Бабруйск — 24 сакавіка 2012) — беларускі мовазнавец і журналіст.

Біяграфія

Нарадзіўся ў сям’і вядомага кампазітара Я. К. Цікоцкага. У 1933 годзе сям’я пераехала з Бабруйска ў Мінск, дзе Міхаіл скончыў сярэднюю школу. У час Вялікай Айчыннай вайны ваяваў на 1-м, 2-м і 3-м Беларускіх франтах. Летам 1944 года пад Кобрынам быў паранены. Пасля дэмабілізацыі ў 1946 годзе М. Я. Цікоцкі паступіў на факультэт журналістыкі БДУ, які скончыў у 1950 годзе. Працаваў журналістам у рэдакцыях газет «Савецкі селянін» і «Калгасная праўда», часопісе «Вожык». Адначасова вучыўся ў завочнай аспірантуры пры кафедры тэорыі і практыкі савецкай журналістыкі, праз 3 гады абараніў кандыдацкую дысертацыю на тэму «Публіцыстыка Якуба Коласа». З 1953 года М. Я. Цікоцкі працаваў на факультэце журналістыкі БДУ. У 1972 годзе абараніў доктарскую дысертацыю на тэму «Праблемы публіцыстычнага стылю», праз год атрымаў вучонае званне прафесара.

Навуковая дзейнасць

Асноўны навуковы кірунак М. Я. Цікоцкага — стылістыка. Заснавальнік беларускай стылістыкі, аўтар прац па вывучэнні мовы літаратурных класікаў — Я. Коласа, Я. Купалы, К. Чорнага, М. Лужаніна, У. Караткевіча, І. Мележа і інш. Паклаў пачатак стылістыцы публіцыстычных жанраў — аўтар працы «Стылістыка публіцыстычных жанраў», якая застаецца адзінай у сваім родзе.

Узнагароды

Медаль «За адвагу»
Медаль «За адвагу»
Ордэн Айчыннай вайны I ступені.

Зноскі

Літаратура

Да 100-годдзя Міхася Цікоцкага // Літаратура і мастацтва № 8, 25 лютага 2022.
Іўчанкаў В. Жыццём і словам прысягаючы… // Народная газета. 2007, 2 лют.

Спасылкі

Умер Михаил Тикоцкий — один из основателей школы белорусской стилистики Архівавана 28 сакавіка 2012 года. (руск.)