San Fernando (Pampango)

Ĝemelurboj
	Naga vd

San Fernando
component city (en) ; urbego vd
Administrado
Ĝemelurboj
	Naga vd
Poŝtkodo	2000
En TTT	Oficiala retejo [+]
Demografio
Loĝantaro	354 666 (2020) [+]
Loĝdenso	5 236 loĝ./km²
Geografio
Geografia situo	15° 2′ N, 120° 41′ O (mapo)15.033333333333120.68333333333Koordinatoj: 15° 2′ N, 120° 41′ O (mapo) [+]
Alto	33 m [+]
Areo	67,74 km² (6 774 ha) [+]
	San Fernando (Filipinoj)
	Situo de San Fernando
Alia projekto
	Vikimedia Komunejo San Fernando, Pampanga [+]
	v • d • r

San Fernando - tagaloge Lungsod ng San Fernando - estas triaklasa universitata urbego en Filipinoj, en regiono Centra Luzono, en provinco Pampango, kie ĝi estas regiona kaj provinca ĉefurboj. La urbego nomiĝas laŭ la reĝo Fernando la 6-a (Hispanio).

Bazaj informoj

loĝantaro: 306 659 (2015)
horzono: UTC+8 (PST)
poŝtkodoj: 2000
telefonkodo: +63 (0)45
Supermara alteco: ĉirkaŭ 80 m
Areo: 67,74 km²

Geografio

San Fernando kuŝas sur ebenaĵo ne havanta marbordon [1]. Angeles troviĝas nur 12, Kezonurbo 62, Manilo 64 kilometrojn (aere) [2].

Historio

San Fernando estis fondita en 1754 el sporadaj domoj apartenantaj al la najbaraj komunumoj. La unua preĝejo estis konstruita jam en la sekvanta jaro. En 1878 parokestro de San Fernando baris fondon de pli nova urbeto "Calulut". En 1881 San Fernando jam estis provinca ĉefurbo (tamen ne fakte). Oni malfermis la stacidomon en 1892. Post 4 jaroj okazis revolucio en la lando, sed en San Fernando nur estis paca situacio, tamen en 1899 usonanoj okupis la urbeton. Ekde 1904 la urbeto estis fakte provinca ĉefurbo, en la sama jaro William H. Taft vizitis ĝin. Okazis dominado de japanoj inter 1941 kaj 1945. Kataklisma erupcio de la proksima Pinatubo okazis en 1991. San Fernando akiris urborajton en 1997.

Ekonomio

San Fernando estas grava centro de la agrikultura prilaborado en Centra Luzono. Oni produktas rizojn, tabakojn kaj sukerkanojn. En 1921 la sukera centra kompanio komencis siajn operaciojn. Strategie situanta en la koro de la provinco la urbego estas hejmo de du publikaj merkatoj, tridek naŭ bankoj, dek sep benzinaj stacioj, sennombraj vendejoj kaj sepdek restoracioj aŭ rapidmanĝejoj. Ĉiujare dum la kristnaska sezono oni produktas manfaritajn lanternojn por la granda loka festivalo, tial oni nomas la urbon "Kristnaska Ĉefurbo de Filipinoj".

Religio kaj eduko

San Fernando havas romkatolikan plimultan loĝantaron (80%), eĉ en la urbo troviĝas arkidiocezo. Aliaj religioj inkluzivas protestantismon, sendependajn kristanismojn kaj Islamo.

Pluraj universitatoj, diversaj kampusoj kaj aliaj altlernejoj funkcias en la urbo.

Trafiko

Ĉe San Fernando kruciĝas ĉefvojoj norda-suda kaj orienta-okcidenta. Ankaŭ stacidomo funkcias. La proksima internacia flughaveno situas ĉe Angeles.

Klimato

La klimato de San Fernando estas klasifikita kiel tropika musona klimato. Jare pluvas ĉirkaŭ 2000 mm, en ĉiuj monatoj estas precipitaĵoj, nur inter decembro-aprilo falas pli malofte. La averaĝa jara temperaturo estas 31 °C, ne estas grandaj diferencoj inter la monatoj.

Vidindaĵoj

katedralo kaj aliaj preĝejoj
dioceza muzeo
decembra festivalo de lanternoj
monumento Fernandino
ĉina pagodo

Fontoj

WikiTrans
[3]

Sukerfarejo
Horloĝturo
Monumento Fernandino

Monumento Fernandino
Preĝejo