El Vikipedio, la libera enciklopedio
Rotenburg an der Fulda estas urbo en Germanio. Ĝi troviĝas en la distrikto Hersfeld-Rotenburg de la federacia lando Hesio. Fine de la jaro 2022 la komunumo havis 14 066 loĝantojn.
Inter la 27-a de decembro 1977 kaj la 3-a de januaro 1978 la 21-a Internacia Seminario de Germana Esperanto-Junularo en Rotenburg pritraktis la temon "Edukado - kun kiuj celoj". La internaciaj partoprenantoj memoris la eventon interalie pro tio, ke malgraŭ la ripetaj avertoj de la organizantoj pluraj seminarianoj origine alvenis ne en la ĝusta urbo "Rotenburg", sed en alia samnoma loĝloko, aparte en la pli suda Rothenburg ob der Tauber inter Hajdelbergo kaj Nurenbergo (en distanco de 230 kilometroj) kaj en la pli norda Rotenburg an der Wümme inter Bremeno kaj Hamburgo (en distanco de 320 kilometroj).
la landgrafa kastelo en Rotenburg
la urbodomo (konstruita inter 1597 kaj 1598)
