Safo (Attikaki: Σαπφώ [sapːʰɔː]; Aiolki: Ψάπφω [psapːʰɔː]) ju nuştekar u şairê da Yunana ke şıirê liriki nuştê u adey Levrosi (Mıdılli) de marda xo ra biya. Tarixê biyayışê aye verê İsay 630 u 612 miyan de vuriyeno, tam nêzaniyeno. Tarixê merdışê aye verê İsay 570 ya zi ju tarixo ke enê tarixi ra nezdiyo, cıyo. Şıir u nuştey aye zaf namdarê, caê xo şıiranê liriki de gırdo. Aye şıirê xo pê fekê Yunankiyê Attikaki ra nuştê u ju olçu zi esto ki pê namê aye ra şınasiyeno. Ewro destê ma de new betiki u des letey, aye ra mendê.
